උතුරු වෙරළ තීරයේ යාපනය, මාදගල් කුසුමන්තුරෙයි ප්රදේශයේ අද (27) උදෑසන සිදුකළ විශේෂ නාවික හමුදා මෙහෙයුමකදී අත්අඩංගුවට ගත් මත්ද්රව්ය තොගයේ මුළු බර කිලෝග්රෑම් 81ක් වන බව ශ්රී ලංකා නාවික හමුදාව තහවුරු කරයි.
අත්අඩංගුවට පත් අදාළ මත්ද්රව්ය පිළිබඳව යාපනය පොලිස් මත්ද්රව්ය නාශක කාර්යාංශයේ විශේෂඥ දායකත්වය යටතේ පරීක්ෂාවට ලක් කෙරුණු අතර, එහිදී තහවුරු වී ඇත්තේ එම තොගය තුළ අයිස් මත්ද්රව්ය කිලෝග්රෑම් 45.5ක් සහ හෙරොයින් මත්ද්රව්ය කිලෝග්රෑම් 35.7ක් අඩංගු බවයි.
මෙම මත්ද්රව්ය ජාවාරම සම්බන්ධයෙන් එක් සැකකරුවෙකු මෙන්ම අදාළ තොගය ප්රවාහනය කිරීමට යොදාගත් බවට සැකකෙරෙන යාත්රාවක් ද මෙහෙයුම් අතරතුරදී අත්අඩංගුවට ගැනීමට ආරක්ෂක අංශ සමත් විය.
සිද්ධිය සම්බන්ධයෙන් අදාළ අංශ මගින් වැඩිදුර පරීක්ෂණ කටයුතු තවදුරටත් ක්රියාත්මක වන අතර, මේ පිළිබඳ අමතර තොරතුරු ඉදිරියේදී ප්රකාශයට පත් කිරීමට නාවික හමුදාව අපේක්ෂා කරයි.
No comments:
Post a Comment