අද (05) සිට බලපැවැත්වෙන පරිදි සිය ගෘහස්ථ ද්රව පෙට්රෝලියම් ගෑස් සිලින්ඩරවල මිල ගණන් පහත හෙළීමට ලිට්රෝ ගෑස් සමාගම තීරණය කර තිබේ. පාරිභෝගික ජනතාවට සහනයක් සැලසීමේ අරමුණින් සිදුකළ මෙම නව මිල සංශෝධනය පිළිබඳව එම සමාගම විසින් නිල වශයෙන් නිවේදනය කර ඇත.
මෙම මිල ගණන් වෙනස් වීමට අනුව වැඩිම ඉල්ලුමක් පවතින කිලෝග්රෑම් 12.5 ගෘහස්ථ ගෑස් සිලින්ඩරයක මිල රුපියල් 100කින් අඩු කර තිබේ. ඒ අනුව, මීට පෙර පැවැති මිල ගණන් පහත බසිමින් එම ප්රමාණයේ ගෑස් සිලින්ඩරයක නව අලෙවි මිල රුපියල් 4,365ක් ලෙස සටහන් වේ.
මීට අමතරව කිලෝග්රෑම් 5 ප්රමාණයේ ගෑස් සිලින්ඩරයක මිල රුපියල් 42කින් පහත හෙළා ඇති අතර, එහි නව ගාස්තුව රුපියල් 1,750ක් දක්වා වෙනස් වී ඇත. එමෙන්ම කිලෝග්රෑම් 2.3 කුඩා ගෑස් සිලින්ඩරයක මිල රුපියල් 20කින් අඩු කිරීමට පියවර ගෙන ඇති අතර, ඒ අනුව අද සිට එහි නව අලෙවි මිල රුපියල් 815ක් ලෙස නියම කෙරේ.
No comments:
Post a Comment