එම පක්ෂයේ ප්‍රධාන ලේකම් ටිල්වින් සිල්වා මහතා සඳහන් කරන්නේ ජනාධිපතිවරණය පැවැත් වූ දා සිටම ජනාධිපතිවරයාගේ එකම අරමුණ වූයේ කෙසේ හෝ මහ මැතිවරණය පැවැත්වීම බවයි.
එනිසා කොරෝනා වෛරසය රට තුළ පැතිරෙමින් ඇති බව දැන දැනත් නාමයෝජනා භාර ගැනීමට කටයුතු කළ බවද ඔහු සඳහන් කළේය.
සැබෑවටම සිදු වී ඇත්තේ ශ‍්‍රී ලංකාවට කොරෝනා පැමිණීම නොව ශ‍්‍රී ලංකාවට කොරෝනා ගෙන්වා ගැනීමක් බව ද ඔහු පැවසීය.
එම පැමිණීම වැළැක්වීම සඳහා රජය විසින් නිසියාකාරයෙන් අවශ්‍ය කටයුතු නොකළ බවද සඳහන් කළේය.
මෙවන් අවස්ථාවක කටයුතු කළ යුතු ආකාරය ව්‍යවස්ථාවේ දක්වා ඇති බවත් ඒ අනුව ජනාධිපතිවරයා විසින් පාර්ලිමේන්තුව විසුරුවීමේ ගැසට් පත්‍රය අහෝසි කර නැවත පැරණි පාර්ලිමේන්තුව කැඳවිය හැකි බවත් ඔහු සඳහන් කළේය.
අන්තර්ජාලය ඔස්සේ පැවැති මාධ්‍ය සාකච්ඡාවකදී ඔහු මෙම අදහස් පල කරන ලදී.
-lankacnews.
No comments:
Post a Comment